INAUTERIAK

Inauteriak bukatu zaizkigu. Oso gustura jardun gara prestaketa lanetan: mozorroak egin, dantza entseiatu... Ez dugu ukatuko urduri xamar ibili garela ostiralerako dena behar bezala izango ote genuen kezkarekin, baina orain zalantzarik gabe esan dezakegu emaitza borobila izan dugula. Eguraldia bikaina, dantzariak primerakoak eta txokolatea... hori bai hori ederra!

BOTERO

Dakizuen bezala proiektu artistikoa egin berri dugu. Botero landu dugu eta aste betez Botero bihurtu garela esan dezakegu, margolanak eta eskulturak egiteko aukera izan dugu. Nola jardun garen ikusi nahi duzue? Hona hemen ba bideo txiki bat gure lanen erakusgarri.

Botero lantzen

 GABONAK

    Gaur  ospakizun eguna izan dugu. Lehenengo eta bigarren mailako ikasle eta irakasleak  HHko eraikinera joan gara, eta bertakoekin batera gabon kantak abestu ditugu. Olentzero eta Mari Domingi ere gurekin etorri dira.

    Ondoren kalean ibili gara kantari, eta hamaiketako berezia ere izan dugu: ogitarteko goxo goxoa txistorrarekin. 

Eta orain, oporrak!

Ondo ondo pasa!

GURASOAK ESKOLAN

Proiektu honetan makina sinpleak lantzen jardun gara. Ikasi dugun bezala makina hauek gure egunerokotasunean erabiltzen ditugu baita zenbait herri kiroletan ere. Horietako bat arrauna dugu eta guraso eta irakasle arraunlariak ditugunez gurera etortzera gonbidatu ditugu kirol honen nondik norakoak kontatzera. Oso gustura egon gara beraiekin eta gauza mordoa ikasi ditugu. Arraunean egiteko aukera ere izan dugu. Gure artean izango al ditugu etorkizuneko arraunlariak?

 

Eskerrik asko Bersaitz eta Andoni!!

DIDAU ANTZERKI TALDEA

Gaur goizean sorpresa eder batekin topatu gara eskolara iristean. Euskararen eguna bertan dugula eta Didau antzerki taldearen gonbita jaso dugu antzerki eder bat ikustera joateko. Primerakoa izan da antzezlana eta oso gustura egon gara. Amaiera ederra emateko beraiekin dantzan egiteko eskatu digute eta nola ez, gu beti parrandarako prest!

 

 

GURASOAK ESKOLAN

Eskola proiektuari amaiera ematen ari gara. Leku desberdinetako eskoletan ibilitako gurasoak ditugunez gure artean, beraien esperientzia kontatzera gonbidatu ditugu. Gauza berri asko ikasi ditugu eta oso gustura egon gara beraiekin. 

Eskerrik asko Mariana eta Juan Carlos!

 

 

SAN MARTIN EGUNA

Gaur San Martin eguna dugu. Eskolan ohitura den bezala goiz pasa joan gara bertara. Eguraldi ederra lagun dugula ermitara igo eta erromerian jarduteko beta ere izan dugu.